مفيش حاجة

مفيش حاجه .. عشان تسألني على حالي .. أنا عايشه .. ف أحسن حال .. ولا بتيجي على بالي حياتي بيك .. كانت وجعي .. وأنا قررت منه أخف .. وعمري ما كنت هستنى .. أكون وياك في دايرة بلف وممتنه .. لأني فقت ونسيتك وندمانه عشان قلت إني حبيتك لكن قلبي بيتعلم وبيفوق لما يتألم ودرس الحب أنا فهمته على إيدك أنا تركيبة مثالية .. لعاشق ياما غنالي .. في حضنه أعيش وميسبنيش في ليلة أبكي على حالي ورغم إنك وعدت كتير تعيِّشني في جنة معاك لكن ملقتش فى عيونك غير الكدب اللىِّ كان جواك وممتنه لأني عرفت قيمتي بيك وإن الحب عمره ما كان يأثر فيك ورغم الكدب والقسوة سامحت كتير ومهما عملت مش هنسى إني هنت عليك أنا عايشة عشان الحب وده كل اللى بحلم بيه أكون حلمه ويبقى حبيبي أكون قلبه وماليه عينيه أنا الحارس على باله .. منين ما يروح أنا العنوان .. اشقلب روحه وكيانه .. وأكون سكنه وأكون له أمان ويعرف إني أبقاله .. بِحُب محبهوش إنسان .. ولو غيري هيحلاله .. ميبقاش ليه فى قلبي مكان

أنا فاهمة

أنا فاهمه 

وعارفه اني ضعيفه بيك

وحليت لغز حبي ليك 

و رغم إني لقيتنى فيك 

لكن قادره أنا أنساك !!

أنا عارفه

اكون نفسي اللى فهماني

ومبقاش ملك سجّاني

وارجع حره من تاني 

وهنسى .. إن أنا بهواك !!

أنا شايفه 

غرورك جوه أحزاني 

قيودك مانعه أحلامي

وكدبك هوّه من تاني 

يخليني مكنش معاك .. !!