أمي

-

بحبك يا أمي .. وأكيد كلامي مش هيكفى .. ومش هيقول ع اللى فى قلبي يا أمي ليكي ... يمكن أصعب حاجه إني أقول بحبك لشخص المفروض إن كلمة الحب دي أقل حاجه تتقال له .. يمكن أصعب حاجة إنك تظهر حبك لشخص أقل ما يستحقه منك إنك تكون دايما معاه وتحت رجليه .. يمكن الأصعب إني أقولهالك وإنتي بعيده عني .. بس اللى متأكد منه إني فى عز بُعدي عنك بتوحشيني .. فى قسوتي بتوحشيني .. فى انشغالي بتوحشيني .. لما بكون لوحدي يا أمي .. بحتاجلك .. لما بكون فرحان .. يا قلبي .. بحتاجلك .. لأنك إنتِ يا أمي حروف مكتوبة على عمري .. ما إنتي سجلي و تاريخي .. وأنا صغير .. على صورتي واأنا بَحْبي لقيت كفك .. على صورتي وأنا بلعب لقيت اسمك .. على صورتي وأنا برسم لقيت رسمك .. على صورتي وأنا بكتب لقيت خطك .. على صورتي وأنا بعيط لقيت حضنك .. على صورتي وأنا فرحان و ناجح جوه مدرستي لقيت فرحك .. عشانك إنتِ يا أمي نجحت .. كبرت .. و لسه لحد دلوقتي .. دعاكي معايا وساندني .. بَـعدي كتير بدعواتك .. ولسه انا برضه محتاجك .. عشان تدعيلي .. وحياتك ... وآه لو يوم غضبتي عليه .. تروح الدنيا قايمه عليه .. وتتلخبط حياتي وكل أوراقي .. و تيجي يا أمي بحنانك تسعديني أرتبها .. فى قلب يا ناس هيتحمل و يفضل ماشى و مكمل .. غير إنتِ يا أمي .. يا حبيبتي

-
-

-

أغنية .. أمي / محمد نور
-

عليها يارب طمني .. دي أول حضن يحضني

خد من عمري وإديها .. و خليها يارب تعيش

دي تعبت ياما علشاني .. سنين ف عنيها شيلاني

حرمت نفسها ياما .. و ياما عشان متحرمنيش

-

ف جرحي مليش مكان غيرها .. أروحله قوام

واجري عليها واحضنها .. ساعتها بنام

معاها الدنيا و الاخره .. و مهما حكيت
لا يمكن لما اقول أمي .. ألاقي كلام

-

عايشه حياتها مش ليها .. تضحي عشاني بعنيها

أغلى عليها من روحها .. وأنا الحلم اللى عايشه ليه

تاخدني الدنيا وتجيبني .. وعنها ساعات بتبعدني

فى عز ما بنشغل عنها .. دُعاها ف قلبي عايش بيه

-

-

الأغنية بجد رووعة .. لتحميل الأغنية .. إضغط هنا

-