-ليه دايما بعيد ... ده في حياتى انت الوحيد
اللى حبه شيء اكيد .. صعب اعيش من غيره يوم
ليه قاسي في هواك .. وانا عمري كان يوم لقاك
يا حبيبي .. حلمى معاك .. في البعاد .. مبلاقي نوم
دانا قلبي من غيرك .. تاعبنى
وانت ولا همك .. سايبني
يا حبيبي .. يالا تعالى خدنى
بين ايديك .. هنعيش سوا
دانتا اللى فات .. و انت اللي جاي
وحياتى بيك .. راح تبقى ضي
يا ملاك .. و مافي منه زيّ
تعبان اوى .. و انت الدوا
دا الحب جوايا و مليني
والشوق دموعه ماليه عيني
يا عمري امتى خلاص تجيني
نعيش حياتنا .. حب و هوا
6 comments:
ايه ده
ده اي كلام :))))
hadota
اولامبروك القبض :)
تانيا .. صحيح كل الناس بقت بتغنى و بتملى شرايط :) بس مش للدرجه دي برضه .. مش عايزين نشارك في موجه الاسفاف اللى شغاله اليومين دول .. كفايه علينا نكتب و خلاص ... هناخد زمانا و زمن غيرنا هههههه
الكلمات حلوه اوى والاحساس رائع
بس لى وجهه نظر ارجو ان تتقبلها
ان مش بيعجبنى ان الحبيب يفضل ينادى على حبيبه ويفضل مستنيه المفروض انه لو مشتاق له فعلا يروح هو لحد عنده ميستناش انه ممكن يجى او لا
شمعة أمل
متشكر على ذوقك :)
بصراحه بالنسبه لتعليقك .. مممم .. انا بكره السلبيه في الحب .. لكنها واقع .. وموجوده .. بالعكس .. هيه الغالبيه .. ولو متكلمتش عنها يبقى انا مش واقعى و كلامى مش هتحسيه
بالمناسبه .. الفكره اللى كنت حابب اوصلها بالكلام ده مهياش سلبيه بالدرجه الاساسيه .. انا كنت عايز اوصف فكره الحب من طرف واحد .. مش فكره الحب من طرفين اللى معطلاه السلبيه او الخوف
شكرا على مشاركتك .. خلينا نشوفك علطووووول
تحياااااتى
Post a Comment