حقل التيوليب الأحمر

-
أكاد أدعى إني شفت مدونات كتيره .. مواضيعها مختلفه .. اصحابها ليهم افكار متعدده .. مجانين حب .. ومعقدين من الحب .. وميعرفوش يعني ايه حب أصلا .. لكن فى وسط كل المدونات دي .. كنت بلاقي أسلوب الكتابة غالبا واحد .. نمط مشابهه للي بكتبه في مدونتي .. أحاسيس بتخرج على هيئة حروف كتيره .. وكلمات معقده .. أحيانا عامية .. وأحيانا بالفصحى .. ويمكن بالانجليزي كمان .. لكنها في النهايه كلمات كتير عامله زحمه وبتحاول توصف موقف واحد
-
المره دى الكلام مش من عندي .. الكلام من مدونه جميله وصلتلها بالصدفه , لقيت فيها نوع رومانسي جديد .. حاولت كتير انى اوصله او ابدع فيه لكن مقدرتش .. محتاج رقي لأقصى درجه .. محتاج خيال .. حنين .. رقة .. إحساس عالي .. إنسان .. روح بتحب وبتعرف تعلم الناس الحب .. واحده عرفت تستخدم كلمات قليله .. وحروف أقل .. عرفت توظف الصورة زي ما الكتاب بيقول .. التدوينه عندها بتستغرق 3 دقايق عشان تقراها .. لكن بتلاقي نفسك عمال تقراها اكتر من مره بعد كده .. وفي كل مره في احساس جديد بتلاقيه .. وأفكار جديده بتحسها
-
معرفش صاحبة المدونه .. ولأول مرة بدخلها .. لكنها تستحق إنك تقرءلها بانتظام .. وتتابعها باهتمام
-
حقل التيوليب الاحمر
-