-أنت لا تعيش قصة حب .. إذن أنت لاتعرف معنى أن تشاطرك الحياة .. حبيبة ... تكون هى بيتك .. تلجأ لها وقت يسيطر عليك الخوف .. تعلم هي مفاتيح خوفك .. وتملك بين لمسات يديها اسرار طمأنينتك .. ترغب فى الحديث إليها حين تكون دمعاتك أقرب من الحروف فى حواراتك مع الآخرين .. فاحساسك بالاختناق يؤلمك .. لكنها هي فقط تشعر بك .. تستطيع تفهّم ما يقيدك .. لذلك هي دوما معك
-
أنت لا تعيش قصة حب .. إذن أنت لاتعرف معنى أن تفكر دوما بها .. تصارع الدقائق لتكون معها .. تحلم دوما بأن تمتلك قلبها .. أن لاترى فى اليوم سوى عيونها .. تعلم أن بعض تصرفاتك قد تغضبها .. فتتجنبها كالطاعون .. بينما تتفانى فى الاستحواذ على إعجابها .. والقيام بكل ما قد يرسم على وجنتيها تلك اللمحات الطفولية التي تعشقها ... لأنك تحبها , فأنت تعلم أن حبك هو سعادتها .. حبك هو فقط .. رضاها
-
أنت لا تعيش قصة حب .. إذن أنت لاتعرف قيمة نظرتها .. والدقائق التي تقضيها معها .. أنت لاتفهم سر السكون الذي يتمكن منك إن كنت معها .. ستتعلم اليوم كيف تصمت و تسمعها ... ستتعلم كيف تنسى الجميع من حولك ولا ترى سواها .. ستتعلم كيف تتحول اللحظات معها إلى جنه .. هي شمسها .. هي نسيمها .. هى أريجها .. هي جوهر جمالها و سر تميزها ... ستتعلم معها كيف يصير الحب حياة .. وكيف تكون أشواقك معها .. غاية و حلم .. هي حقا .. حياه
-
-
6 comments:
عاجبنى اوى استياعبك للموضوع كده وتقدير قيمة الحب فى حياة الانسان وصفك للمعاني نفسها رائع .. كون أن الانسان حبيبته بتكون زى البيت اللى بيستخبى فيه من قرف الدنيا وبيرتاح معاها من ضغوط الحياة .. فيه ناس تقولك الحب ضعف وناس تانية فاكرة الحب مجرد ارتباط بين طرفين عشان هذا ما يجب أن يكون
بس فين بقى المعاني اللى انت بتتكلم عليها دي .. فين زمان لما كان كل حبيب يخاف على حبيبته كده وميهونش عليه زعلها .. ممكن ميجلوش نوم لمجرد انها مدايقة ومستنى بكرة عشان يصالحها ويبقى مش متخيل انه كان سبب مباشر او غير مباشر فى دمعة من عنيها .. فين لما كان الواحد ممكن يعدى بس من الشارع اللى فيه حبيبته لمجرد انها ساكنة فيه .. ويقف فى الشمس لمجرد انها تبص عليه .. فين لما كان ممكن يعمل اى حاجة وكل حاجة عشان يسعدها
انا مش بقول ان الحاجات دى بس مقاييس التعبير عن الحب .. بس دى من علاماته والحاجات اللى بتدل عليه .. وافتقاد الحاجات البسيطة اللى زى دى طبعا بيأثر وبيحسس الواحد بالعزلة وانه مش فارق مع الطرف التانى
يعنى ببساطة .. ايه اللى ممكن يتبقى فى اى علاقة بين اتنين اذا ضاع منها الحنان وخوف كل طرف على التانى .. يبقى قلته احسن بقى
مش كده يا دكتور؟؟
انت اتكلمت عن شعور الولاد واحتياجهم لوجود حبيبة في حياتهم .. طب ليه متفكرش تكتبلنا بوست توصف فيه مشاعر احتياج البنت لحبيبها وقد ايه وجوده فى حياتها مهم بالنسبة لها ؟؟؟
واضح ان البلوج ده هيفضل بالنسبة لي مصدر إلهام،، الاحاسيس اللي جوانا كتير بلاقيها مترجمة لكلام هنا في البلوج ده
وعايزة اقول لـ
m & m
ان المشاعر اللي مش موجودة دي والله موجودة بس تفتشي بأه على تلاقيها
قليلين اللي لسه متمسكين بالجمال ده من المشاعر، بس ادعي معانا ربنا يكتر منهم
يا دكتور،، تحاتي الكتير أوي ليك،، بجد
M&M
كل المعاني دى موجوده , ممكن الواحد ميقولهاش عشان مكسوف أو مشغول او مهما كان المبرر لكن المبررات اكتر من المشاعر دى نفسها لو فكرتي فيها
اضمنلك ان لسه فى ناس بتقف فى الشمس عشان تشوف اللى بتحبه , وناس بتمشى مسافات بالساعات عشان نظره منه و ناس بتعيط عشان مش فاكرها و ناس و ناس وناس .. كله لسه موجوده و بخيره
لو علاقه اتنين ببعض مش قايمه على الحنان زي ما بتقولي يبقى ده مش حب .. سميه اي حاجه تانيه
هحاول اكتب شعور البنت لكن غالبا انا هاخد الجزء السلبي منه و ده اكيد مش هيعجبك :)
تحياتي
maha miho
أهلا بيكي
واشكرك على تحياتك الكتير دي ههههه
اتمنى دايما تلاقى ترجمه المشاعر اللى بتحسي بيها دى زي ما بتقولي
تحياتي
احساسك يادكتور بجد اكبر من انى الاقى كلام يعبر عن اعجابى بيه واتمنى من ربنا ان يكون فى حد فالدنيا بيحب بالطريقه دى وميكونش مجرد كلام بنتمناه فخيالنا ومش بنلاقيه فالحقيقه
Post a Comment