لوّن .. شخبط

-
كنت صغير .. ايوّه بشخبط
برسم على اوراقي .. بلخبط
دايما برسم فيها انا بيت
عايش فيه انا وانتى وبس
واللى مجنني ..الالوان
الالوان برضه بتتلخبط
جوه الرسمه كتير تتنطط
وكانها فرحانه معايا
إن أنا من قلبي .. حبيت
-
كنت صغير .. كنت بشخبط
برسم ع الحيطه و بلخبط
برسم بالازرق احلامي
زي السما عاليه و شغلاني

فيها نجوم .. فيها عالم تاني
وبالاحمر بكتب ايامي

برسم دايما قلب صغير

قلب حبيبي

جنب القلب ده برسم تاني
قلب اتحير .. هوه ده قلبي
كاتب فيه اسم اللى فى بالى
اللى شاغلنى و جوّه كياني
وبالاخضر .. برسم انا شجره
شجره كبيره وبتغنيلي
احلى كلام عنك .. تحكيلى
انت وبس .. ماهو انت حبيبي

وإنت اللى ياعمري فى خيالي

انت حبيبي ..

حبيبي الغالي

-

-