- حاسس ان كل كلماتكَ بقت متكرره .. شبه بعضها .. حاجات جواك حاولت تخـّرجها .. تكتبها .. لكن النتيجه دايما واحده .. إنه مفيش نتيجه ... لدرجه إن الكلمات تقريبا خلصت .. وليه تكتب طالما محدش هيقرا ؟؟ .. وليه تقول طالما محدش هيسمع ؟؟ ... ساعتها ... هتختار انك تبعد .. تلاقى البعد هيقسيك .. هيقويك .. هيفرقك عنها ... ولما تختار انك تفضل قريب .. عايز تحارب عشان قضيتك .. عايز تفكر ازاي تحقق حلمك .. تلاقى نفسك بتحارب لوحدك .. بتحارب الناس .. بتحارب قلب وعقل رافضين حبك .. وعايزين قربك ... ساعتها اكيد مش هتكتب تاني .. ساعتها هتقول نِفسي بس ... اكون نـَـفسي تاني ... نِفسي بجد ... أرجع انام زي زمان
-
-
8 comments:
لخبطه . لقيت نفسي فيها من تاني
بطلك بيعشق لحد التفاني
هو مجرد سلمه علشان هيا تعلى
هو مش شايف نفسه .. عاوز بس يبقي ف حضن حبيبته .. وتبقى احسن حد ف الكون
---
لازم نفسه تبقى نمره واحد
مودتي
بجد مفيش حد يستاهل كل اللخبطه دى يا دكتور انت اكبر و اهم من كل ده
ربنا يهديك و ينولك كل ما فى بالك
نفسك اهم من اى حد ومن اى حاجه مهما كانت ومفيش بنى ادم غير اهلك يستاهل تزعل عليه وتخسر نفسك او تحملها فوق طاقتها عشان خاطره مدام اختار يبيعك
عارف اول ما دخلت ولقيتك بتقول كدة
قولت هو في ايه؟ هو هيعتزل الكتابة وخلاص على كدة واللا ايه؟؟
وعمالة اقرا واقول لالا اكيد هو مايقصدش
واكيد انت ماتقصدش,,,
مش هعلق على اي حاجة بس انا مستنية بوستك الجديد بصورة حلوة وكلمات احلى زي ما اتعودنا منك
انا مستنية اهو,,, ما تتأخرش
S@g!
كلامك احلى من البوست والله :)) بس موضوع ان نفسك تبقى نمره واحد ده انا مش متأكد منه .. لأن لو نفسك بقت نمره واحد هتفضل عايش معاها لحد ما تموت .. بعد الشر عليك يعني .. وفى الاخر هتلاقى نفسك معملتش حاجه
مووودتي
CALM CAT
متشكر على الدعوة الجميلة دي
و اكيد فى حاجات و ناس يستاهلو اللخبطه فى حياتنا
سمر الشافعي
بلاش الكلام الكبير ده :) فى ناس تستاهل تضيعي وقت او مجهود عشانهم .. زي ما هتديهم هيدوكي .. ده لو اتكلمنا حتى باسلوب المصلحه فى الحب يعن :))
كراكيب
والله موضوع الاعتزال ده انا بفكر فيه جديا :) بس يمكن كمان شوية لما الواحد يتشغل بجد وميبقاش فاضى يهرش .. ساعتها نبقى نتفاهم بقه
تحياتي يا كراكيبوووو
Post a Comment